Ek shakhs Harish bin Hisham Nami ne Nabi kareem ﷺ se sawal kiya tha ke, Ya rasool Allah ! Aap par wahi kaise nazil hoti hai? Aap ﷺ ne farmaya ke wahi nazil hote waqt kabhi mujh ko ghanti ki si aawaz mehsoos hoti hai aur wahi ki yeh kaifiyat mujh par bohat shaaq guzarti hai. Jab yeh kaifiyat khatam hoti hai to mere dil o dimagh par uss ( farishte ) ke zariye nazil shuda wahi mehfooz ho jati hai aur kisi waqt aisa hota hai ke farishta bashakl insaan mere paas aata hai aur mujh se kalaam karta hai. Pas mein uska kaha huwa yaad rakh leta hoon. Aisha razi Allah anha ka bayan hai ke maine sakht kadake ki sardi me Nabi kareem ﷺ dekha hai ke Aap Sallallah Alaihe Wasallam par wahi nazil hui aur jab iska silsila moqoof howa to Aap ﷺ ki peshani paseene se sharabor thi.
https://sahialbukhari.blogspot.in
(Sahi Bukhari, Hadees No. 02)
